咩星座人會閃電結婚???
白羊座
絕對係閃電結婚類型！白羊座一旦談戀愛，就會一頭沖落去變成完全忘我境界，再加上佢一向處事都較為衝動唔諗後果，所以遇到鍾意的人，再加埋熱戀果份感覺，佢冇共組家庭結婚的諗法就奇！
忠告：「閃電結婚機會高，同時後悔的機會亦都好高！」
金牛座
絕對唔係閃電結婚類型！唔好講話結婚啦！剩係講拍拖金牛座都拉拉扯扯，雖然話金牛座係好易對一個人產生好感，但係一去到拍拖呢一步呢，佢就要左諗右諗，連拍拖都咁更何況同佢講結婚！
忠告：「諗得太耐同太多，小心蘇州過後冇艇搭！」
雙子座
絕對係得過講字的閃電結婚類型！無論係男定係女的雙子座對於結婚都有一定的憧憬，佢一拍拖冇耐就提住要結婚如果撞著另一半都屬於閃電型佢兩個就會即刻結婚，對方唔睬佢咩，佢又唔會因為咁而分手！
忠告：「麻煩拎本字典認真研究下結婚到底係咩回事！」
巨蟹座
絕對唔係閃電結婚類型！要明白結婚某程度上係個存有高度危險性的玩意，稍有差池絕對會炸到唏巴爛，體無原膚！所以對於巨蟹座呢d咁講求安全感的星座，佢又點會咁輕易就將佢的人生交畀你！
忠告：「小心機關算盡都會出現錯漏！」
獅子座
絕對係睇對方態度而定的類型！獅子座會唔會閃電結婚，就要睇對方音場有幾強硬，只要有1%生還機會佢都唔多願咁快結婚，始終佢都係鍾意再享受下拍拖果種感覺，除非係對方真係迫得好緊就冇計啦！
忠告：「咪將情人的幸福建立響自己的痛苦身上！」
處女座
絕對99%唔會1%會閃電結婚類型！要明白處女座咩時候頭腦都係咁清醒同現實，連拍拖佢都係抱住騎牛搵馬的態度，如果佢視你為牛，就梗係拖得就拖啦！不過如果佢認為你係馬呢，佢就要即刻同你結婚！
忠告：「你揀人時人又揀你！」
天秤座
絕對唔係閃電結婚類型！點解？好簡單，因為天秤座好講戀愛果份感覺，係人都話結婚係戀愛的墳墓，聽埋聽埋你估佢唔驚！不過一向怕寂寞的天秤座又一定會結婚，因為佢要搵個伴嘛！
忠告：「結婚係咪墳墓其實好講同你合葬果位人係點！」
天蠍座
絕對係睇佢年紀而定的閃電結婚類型！不分男女的天蠍座響年輕時傾向係將人生目標放晒響事業的追求上面，邊得閒談婚論嫁；不過當年紀有返咁上下又遇到個鍾意的人呢，佢又會主動要求結婚喎！
忠告：「結婚係兩個人的事！」
人馬座
絕對唔係閃電結婚類型！出奇地平日成日糊里糊塗的人馬座，響結婚呢個項目度佢係好有規劃，佢好清楚結婚之後唔可以再一條友仔成圍玩，所以冇乜必要唔係去到冇彎轉(例如人老珠黃)佢都唔多願結！
忠告：「有時要留住另一半結婚可能係唯一方法！」
山羊座
絕對唔係閃電結婚類型！係人都知山羊座有幾穩陣同務實，講到結婚呢d咁重要兼影響深遠的事，佢又點會咁輕率就決定呢！事關由性格到戶口結餘至你的屋企人佢要了解晒都要花唔少時間啦！
忠告：「麻煩約埋雙子座一齊去研究下結婚真諦係咩！」
水瓶座
絕對唔知佢會唔會閃電結婚類型！水瓶座唔鍾意按章出牌，你越迫佢結咩，佢又唔多願；你講明唔想結婚咩，佢可能心思思又想盡辦法令你要嫁畀佢喎！真係唔可以劃一推測到水瓶座會點做！
忠告：「請約埋雙子座同山羊座去睇下結婚真諦係咩！」
雙魚座
絕對係會受另一半影響的閃電結婚類型！基本上想知雙魚座會唔會閃電結婚，唔係用佢而定，而係睇下佢另一半到底係咩星座，要知道雙魚座出晒名一拍拖就會唔記得自己姓乜剩係記得佢honey姓乜！
忠告：「結婚前一定要好好為自己打算下！」
