亞貓

今晚依時去左醫院探婆婆,
我問護士有關婆婆既病情,
佢話婆婆有少少老人痴呆症,
我講晒平日婆婆d野俾護士知道,
佢話搵職業治療師個d人睇下佢,
我仲同護士說過之前醫務社工睇過婆婆說佢冇老人痴呆症,仲讚婆婆好醒目........

宜家婆婆有老人痴呆症,
又多一個病喇,
佢d病已經比佢更老既亞婆多出n個病了
究竟老人痴呆症會唔會惡化架?
會幾時唔認得我和家人架?
佢有呢個病需要送佢入老人院嗎? (但佢唔肯入老人院)

希望熟識老人痴呆症呢個病既人可以回答我幫下我

宜家我唔知點算好...
佢宜家已經有太多嚴重既病了~~

BB五歲

呢位婆婆需要醫院多過老人院喎~~

亞貓

冇錯, 我去醫院、急症室陪佢多過去街和在屋企............

火柴仔

唔好比佢自己出街....你應該要幫佢寫低地址,同電話,比佢掛係身到
萬一佢出左街,D有心人都可以搵你地同帶佢返屋企呀嗎

亞貓

佢行唔到路架,唔駛擔心佢會走佬

火柴仔

咁如果屋企人冇時間照顧佢就要送佢去老人院架啦

亞貓

佢唔肯入老人院都冇法,屋企有人照顧佢

火柴仔

引用:

原帖由 亞貓 於 2007-5-26 11:00 PM 發表
佢唔肯入老人院都冇法,屋企有人照顧佢

有人睇住都好.........佢唔想就唔好迫佢啦

亞貓

照顧佢個位已經得返半條人命了~想緊辦法勸佢入老人院

火柴仔

同佢傾囉.......帶佢去一次先
等佢睇下乜環境呀嗎.........你又可以話個到好多活動,又大把人陪佢傾計
等佢唔好覺得老人院就係屋企人唔理佢既地方
同你都要同佢講,一有時間就帶佢周圍去下
老人家其實就好似小朋友一樣,想人理下佢,關心下佢咁

亞貓

佢宜家已經係BB,唔係小朋友了,佢行唔到,我帶唔到佢去睇,佢唔肯去都冇法............

BB五歲

人老左點都要死,不如比D心理準備自己面對呢個一定發生既問題仲好
BB可能聽日就死都話唔埋架,人呢樣野,好化學架咋~~

雪御小魔女

老人癡呆係會越黎越差，因為暫時這個病係無得醫，最多只可用藥物拖延，

人只要老左，好多身體上既器官都會退化，人總會對自己不熟悉既環境產生

不安感，所以她唔肯去老人院都係可以理解，但如果真係屋企人精神上無法

負擔去照顧她，反而更容易出意外，雖然她行動不便，但盡量試下安排她去參觀一下

老人院，當環境熟悉左咁就無咁抗拒，始終凡事都要有耐性，由其對老人家，

因為醫院床位十分短缺，一般唔係嚴重既病佢都唔會收佢留院架啦，始終醫院係醫病既地方，

唔會長時間去幫您地照顧她，而且明知她有病更應該送去一間好的老人院，等有比較專業

既人照顧她，年紀大左，生理作息，食物等等都會比一般人不同，如果有人睇住始終會比較好

亞貓

引用:

原帖由 BB五歲 於 2007-5-27 03:20 AM 發表
人老左點都要死,不如比D心理準備自己面對呢個一定發生既問題仲好
BB可能聽日就死都話唔埋架,人呢樣野,好化學架咋~~

我沒有準備好嘛........

引用:

原帖由 雪御小魔女 於 2007-5-27 09:10 AM 發表
老人癡呆係會越黎越差，因為暫時這個病係無得醫，最多只可用藥物拖延，

人只要老左，好多身體上既器官都會退化，人總會對自己不熟悉既環境產生

不安感，所以她唔肯去老人院都係可以理解，但如果真係屋企人 ...

佢平時每日要食十幾粒藥.................再食我怕佢會有事頂唔住...如果佢肯入老人院早就送左佢去了

BB五歲

引用:

原帖由 亞貓 於 2007-5-27 10:06 發表
我沒有準備好嘛........

唉.........