你對愛情、學業與金錢的態度
ＢＢＱ 是秋天的例行節目，在吃吃喝喝之餘，也可利用各種 ＢＢＱ 食物作占卜，看看你在愛情、學業與金錢的態度。
在以下 Ａ、Ｂ、Ｃ 三組食物中，每組選出一種食物，不要想太久，憑您的直覺選便可以：
第一組食物．Ａ：
１．棉花糖
２．雞翼
３．魚旦
４．雜菜
第二組食物．Ｂ：
１．金沙骨
２．香腸
３．牛扒
４．麵包
第三組食物．Ｃ：
１．墨魚丸
２．蕃薯
３．粟米
４．帶子
分析：
Ａ：測你的愛情觀
１．棉花糖：激烈浪漫型
棉花糖細細粒甜甜地，但係都唔易燒，要燒到漲卜卜，外面脆脆地，裏面又甜又滑，真係要眼明手快。您追求甜蜜的愛情，是浪漫主義者，為了一剎那的激情，你可以訓晒身，但激情過後，您就會覺得沉悶。
２．雞翼：愛情至上型
雞翼是 ＢＢＱ 中的皇牌，點都唔少得，而且燒一隻靚雞翼絕對唔易，由開始叉雞翼到燒到外香內滑，食的時侯又麻麻煩煩，都好費工夫。愛情是你生命中很重要的部分，不可或缺。對於追求理想的愛情，你會好用心，幾辛苦都唔怕，最終都會有一段刻骨銘心的愛情。
３．魚旦：但求就手型
魚旦彈牙，一次過燒幾粒，有粒燒得唔靚掉了也不覺得可惜，轉頭又可燒過。對你來說，愛情是但求就手，大家開心就得，合則來不合則去，唔鍾意咩？就換畫囉，您的愛情即食類型，分分鐘一腳踏幾船也沒所謂。
４．雜菜：細水長流型
不少人覺得 ＢＢＱ 要大魚大肉先夠惹味，但其實燒雜菜亦有另一番風味，食落去好似冇乜味，但嗒真ｄ就會覺得清甜鮮味。你追求的是平平淡淡的愛情，看似沒甚麼火花，但二人其實很有默契，是細水長流、感情細膩的愛情。
Ｂ：測你是個怎樣的學生？
１．金沙骨：上進學生型
燒得靚的金沙骨固然好食，但唔係人人肯去燒，因為實在太花心機，要好有耐性慢慢燒下燒下，耐性不夠都唔掂。你是個勤力好學生，為了追求卓越成績，捱更抵夜都在所不計，有什麼不明白就會尋根究底。
２．香腸：練精學懶型
通常大家一埋位肚餓時就會燒住兩條腸食，又快又好味．你讀書有些小聰明，不過唔會太勤力，好多時都係臨急抱佛腳，或者鍾意刨一些精讀天書，有時撞彩成績也不會太差。
３．牛扒：得過且過型
牛扒鮮味得來，燒時不用太花心機與工夫，燒得唔夠熟又食得，燒熟ｄ又可以，冇乜所謂．你讀書都幾隨意，讀得幾多得幾多，但求過到關就得，有時未免太過馬虎，得過且過。
４．麵包：填鴨學習型
麵包加點蜜糖真係好香口，但要烘得o岩o岩好就要加倍細心。你讀書好仔細，一字不漏，所以考試好少會睇錯題目，不過這樣的讀書方法好易變成死讀書，不求甚解，但求隻字都睇過或背晒就算。
Ｃ：測你對金錢的態度
１．墨魚丸：財來財去型
墨魚丸爽口又鮮味，一粒粒食下食下唔多覺就食左好多粒。對於錢，您覺得賺得來花得去，會好努力地搵錢，但出手也絕不手軟，轉眼間又花光了。你不太懂得理財，但幸好識得搵錢，財來財去，沒甚麼積蓄，但起碼搵到錢使。
２．蕃薯：穩穩陣陣型
蕃薯通常都是放在燒烤爐邊慢慢煨，煨得甘香的蕃薯是 ＢＢＱ 中的壓軸好戲，但有時唔記得就會變成一舊炭。對於金錢你採取保守態度，穩穩陣咁儲起來，不作冒險的投資，只希望到最後有一份不錯的積蓄就夠了。
３．粟米：知慳識儉型
煨粟米唔難，但食就好麻煩，有人嫌佢黐牙，有人話唔知點食．您是一個慳儉的人，拿著一筆錢可以慢慢花，投資會作長線投資，寧願回報遲一點、慢一點，總好過冒太大的風險去博。你未必會發大達，但至少不用為錢擔憂。
４．帶子：應使則使型
帶子是 ＢＢＱ 食物中較貴的食物，可口鮮甜，要燒得好味都幾講究。你對生活的要求較高，但不是大花筒，只會花錢在優質的東西上，應花則花，投資也頗有眼光，會有不錯的收入。
[ 本帖最後由 23_years_old 於 2007-2-14 09:53 PM 編輯 ]
