玩呢個遊戲最緊要係盡量留住怪物, 唔好比佢地咁快去到出口, 所以要用盡個畫面, 用武器砌個迷宮出來, 出入口度留番個口比佢地行, 等佢地行大圈, 亦可以慳錢 (因為可以令怪物在同一批武器旁邊行來行去)
通常我都用最平既機關炮 (第一行最左面) 去砌迷宮, 一來夠平, 二來可以打埋飛行怪物 (去到 Mission 2 都可以用機炮做主力, 唔使用對空飛彈), 然後在適當地方放 Plasma 炮同對地飛彈
Plasma 炮(第一行中間) 都可以打飛行怪物, 但比較貴, 在開打時不宜用太多 (否則不夠錢去砌迷宮); 對地飛彈 (第一行最右面) 只可對地, 射程遠但射得慢, 所以擺幾個就夠
在轉角位可以用聲波武器 (第二行最右面), 擺在轉彎位, 等怪物圍住行, 就可以大量攻擊
對空飛彈 (第二行最左面) 在 Mission 3 開始有用, 要放在飛行怪物必經之路, 不用太多 (因為太貴, 而且只可以對空, 作用有限); 第二行中間的炮是用來減慢敵人速度, 亦可以作有限度的攻擊, 同聲波武器一樣, 用一兩個, 擺在適當位置就夠
用以上方法, 起碼可以捱到 Mission 3
