香港笑話大王

我朋友佢送左女朋友返屋企都已經 12 點幾，佢之後搭車返屋企，落住毛毛雨，當時唔係好多人等巴士，等左一陣就有車黎

佢好鍾意坐上層右邊最前既位，不過有個賓妹坐左，而左邊都有人，第二排都有，佢果時都幾累，咁就坐左係第三排右邊既位

佢記得坐落去之後睇到前排有個黑色長頭髮既女仔(應該係)低住頭好似訓左咁，佢太矮坐低左見唔到前面有人咁
係下站有一個男人上左車，架車開緊而佢又傾緊電話，係企定左之後睇佢個勢似坐係前排近走廊果位

點知佢坐左係我朋友前面，佢眼都凸出黎，果時佢同佢女朋友傾緊電話，佢女朋友問佢「點解唔出聲既？」

佢都驚到唔識出聲，想落車但又驚，扮無事同女朋友講佢返到屋企打比佢，之後扮聽 mp3 當無事發生，去到紅隧多左人上車

有個男人坐左係左邊車頭近走廊果邊，佢望住右邊果樣好似好疑惑咁樣，個賓妹又訓得好鬼熟

個男仔之後好似好驚咁好快落左車，之後無啦啦個賓妹醒左望左一望之後，好似身邊有人咁坐返正

之後好多人都係落左車，頭三排得返佢一個人，到落車既時候佢望左一望

車頭右邊近走廊位有個低住頭而又係長頭髮黑衫既人坐左係到，佢即時衝落車唔敢再去諗，實在太恐怖了