２３•藍田/則魚涌：浪漫愛人
性格：
做事非常謹慎細心，又會幫人地諗埋，加以配合，不斷要求自己超越極限、好似藍田/則魚涌咁，那怕一海之隔。講穿其實係唔只要求實幹，仲要係自我滿足感，所以係浪漫主義型。非常之在意人地對自己既睇法。如果人地有難題，表面上會扮唔理，靜雞雞就同人地解決晒，係個唔擅於表達自已感情既人。你會係表面豪爽，扮到好無所謂，實情內心緊張到不得了，幫人之餘仲要間接提升對方向上爬。你自己成唔成功唔重要，人地成功你仲開心。最麻煩係你原本比較適合打安定既工，但係命運安排你成日係D大機構同人競爭，所以內心痛苦到不得了都無人知。
愛情：
你好容易係工作中愛上對方，又會為對方同人地爭執，咁俾人感覺係有異性無人性。同樣你表面扮到嬉皮笑臉，其實只要對方講一句，背住佢你會仆心仆命完成對方既願望。你算係情場上係長勝將軍。
