港男廿宗罪
【一個二個都係低學歷。條仔唔係讀 hku/cuhk，條女拖住佢都覺得醜啦，影衰曬條女】
香港而家係多男小女,如果個個女都想拖大學生,恐怕有難度
【錢又冇。同佢去酒店食餐飯都唔肯，驚死要比錢咁。幾百蚊一餐 tea 都比唔起，冇鬼用】
咁又唔見你拿幾百蚊出黎?
【唔識搵錢。做o左兩年o野先至得皮幾人工。比埋老母o個份後得返幾千蚊。我買個袋都唔只啦，仲洗旨意佢養。廢柴！】
做兩年野有皮幾人工算好好.......
【冇內涵。同佢講d 西方藝術史佢一d 都唔識。垃圾！】
夠有大把人學庫五車,常識豐富,你遇唔到姐
【冇主見。我話想去邊佢就帶我去邊，成個奴隸咁，我唔要拖件奴隸出街。死狗！】
同你地嘗試提出意見,你地就Against,講得多大家都冇意思
【唔講道理。一味指責港女，又唔諗下自己係點。】
香港新一代d後生仔後生女在國際間係出左名人品差,又幼稚,這是男女共通的問題
【孤寒。情人節洗千零蚊 tum 下條女都唔捨得。乜條女千零蚊都唔值咩 ? 冇用】
除左情人節,仲有生日呢,聖誕,萬聖,新年,復活節,端午節呢?? 次次都千幾蚊?而且拍拖係兩個人既事,點解一定要男既丞擔曬?
【冇文化。人地講o野夾雜幾隻簡單o既英文字句都聽唔明；講英文又鬼死咁重香港口音。】
外國人講中文夠好重口音,大陸人講廣東話夠有口音,你又唔話下人地?
【懶。成世都唔做家務，食完飯又唔幫手洗碗】
呢一個Point 我係認同的!!而家d男仔的確唔做家務,煮下飯都唔識,掃地拖地又唔識,的確要鬧
【自閉。由朝到晚只係對住部 PS2 打機，毫無社交圈子】
返工返學不算社交嗎? 
【窮。戶口得雞碎咁多錢，夠我買袋唔夠我食】
窮有窮既生活法,有d人拿千幾蚊公援住一百尺都唔夠既公屋十幾年都係咁
【冇上進心。打死一世工，做死一世狗】
做生意十個入面都唔知有冇一個成功,你係咪你想你既另一半冇曬錢?
【冇風度•媾唔到女賴地硬】
一dd人既姐,我唔信全部都係咁
【媚外。成日認為日本/大陸女仔好。】
人地有權唔鐘意你,冇得強求
【固步自封。香港女士不斷進步，港男卻原地踏步】
讀書方面的確係女仔好過男仔...因為冇咁多引誘
【低等。成世受制於女人，毫無男子氣概】
同你地嘗試提出意見,你地就不停Against,講得多大家都冇意思
【低學歷。一個二個都係 IVE 人】
IVE都有人可以拿過萬人工,做manager, 都有人後期會覺醒讀得好再過去外國進修, 大學生夠有不求上進,持才傲物,不求進修
【ＭＫ。著埋曬d cheap o野出街，影衰條女】
幾十蚊一件既雜牌衫褲,外套都可以配塔得好好睇...視乎那個人有冇眼光同識唔識著衫
【un 挑鬼命。成班港男都係身形矮小o既白皮豬。自己廢，又要求條女有身材。港男都唔講道理o既】
香港好多男仔都好高架,瘦既人小d機會有心臟病血壓高,小d出汗,體能都好d,你地唔知姐
【下賤。做侍應、速遞、快餐店、車房仔呢d 低等工作，影衰條女】
經濟差起上黎咩都要做,你唔食飯我都要食.
[
本帖最後由 金-金 於 2006-9-18 03:33 PM 編輯 ]
