彩虹女神

引用:

原帖由 雪御小魔女 於 2007-3-23 09:21 AM 發表


就好似您見到我係一個人，其實我係一條笨魚~ 哈哈

近來同公司d人唔0岩，其實不嬲都唔0岩架啦~

正確黎講係同寫字樓d人唔0岩，但同同位的人就好fd，成班濕柴係到得把口，

佢地又唔係做這行出身，但為 ...

唉，D人係咁架啦！
淨係識得做D表面野畀人睇，
又好似我公司班大哥大姐咁
次次開完會，都話要改善呢樣，改善果様
但次次都淨係叫我地班細既改善，佢地？
有改善，頭兩日咁大把啦，跟著咪又係門面工夫？
我地D細既跟足規矩做，無事風平浪靜時就話我地「戇居」
我地唔跟足，有起事上黎就話我地做乜事唔跟規矩做，乜都畀佢地講晒

彩虹女神

引用:

原帖由 程昱 於 2007-3-19 10:53 PM 發表
在生命中，我們經常會遇到一些「不可愛」的人。

他們會向你展示一些令人討厭的行為-- 如吹毛求庛，惡言相向等等......

你有否想過這可能只是給自己的一道牆壁而己。

嘗試了解那行為背後的動機，一股腦 ...

咁我會睇下係點樣既「不可愛」啦
好似我公司某君咁
開頭我都忍佢架，有邊個會唔想同公司的同事打好關係先得架？
問題係，每一次（真係每一次）同佢講親野
就算係好普通既傾閒話
都會有位畀佢入到黎「窒」到我飛起
就好似今年大年初一咁，如果唔係我同佢講左句「恭喜發財」先，佢迫住要回番句，佢就真係可以一返工就無端端就話我工作有問題，但其實我係依足規矩，無做錯到任何野
對住呢D咁既人，真係嘔血架
所以除非係工作上的必要，如果唔係，我都唔會同佢講多一句話，
次次都畀人「串」既感覺，真係好難受