對十二星座收稅
白羊座
對於自信心爆晒棚，覺得自己能人所不能的佢來講，佢唔會太過擔心呢種事，佢不嬲都認為就算真係要畀，只要佢搵到其多開源的方法就攪得掂，完完全全可以cover返晒，冇乜必要慳，甚至乎唔係咁覺得呢件事影響到自己的生活！
金牛座
金牛座出晒名最注重生活享受，而且又睇得個錢鬼咁大，一旦要徵收銷售稅同服務稅又真係對佢影響幾大，不過，講到尾佢係非常贊同「辛苦搵來自在食」呢個講法，所以佢難免會變得慳Ｄ駛，但係絕對唔會虧待自己，始終都會應駛得駛。
雙子座
加徵銷售稅對佢來講，物質上的影響唔係真係咁大，反而精神上的影響會大好多，佢會好留意相關的資料，例如邊ｄ唔駛徵稅？點樣走灰色地帶？點樣可以慳ｄ駛？之然之類，不過唔駛好耐佢就會對呢個題目生厭，轉過頭走攪環保啦！
巨蟹座
無論係男定女，巨蟹座朋友一向都係好講安全感同有一ｄ末世感，所以講到咁大件事仲要同民生咁大影響，佢就梗係會小心Ｄ，佢會變得更加精打細算，講求應駛得駛之餘仲要係最慳地駛，實施初期仲會有Ｄ神經質添！
獅子座
生活一向窮奢極侈的獅子座當然唔會理呢Ｄ婆仔事，佢絕對唔會因為徵果少少５％而影響自己的生活，ＬＶ？繼續買！汽水？梗係繼續買！所以對佢來講，基本上係唔會因為咁而影響佢的銷費模式！政府就真係要多謝獅子座！
處女座
講到精打細算的處女座，佢的理財觀念一向最強，對付消售稅同服務稅佢會用最全面的方法，除開源之外仲有用埋節流；開源就梗係叫個老公或者老婆搵多Ｄ啦！至於節流呢，佢會不辭勞苦四圍打聽同收集有乜方法可以走法律罅！
天秤座
雖然話天秤座唔屬於戇，不過講真佢Ｄ錢銀概念都有ＤＤ嚇人，徵收銷售稅同服務稅對佢來講最大的影響會係多個食飯傾計好話題，響未推行前佢都可能會好擔心，同諗下對付方法，不過一旦真係實行到其實佢又冇乜所謂。
天蠍座
天蠍出聲名古惑，講到要響佢個袋度拎錢走，如果佢唔岔氣，你咪駛旨意拎得到；一旦要徵收，撞到佢又唔想畀，佢會出盡法寶諗有乜詭計逃過呢個法網，仲要其他星座唔同，佢會傾向走唔合法的方法去逃離稅網，係一等一等的反叛份子。
人馬座
同天蠍座一樣，人馬座都係一等一的反叛份子，不過唔同的地方係佢會好鬼奉公守法，再加上本身鍾意四圍旅遊，所以對付徵收消費稅的方法就係畀個機會佢名正言順走出香港消費，而響香港佢就真係會少Ｄ消費！
山羊座
講真佢不嬲都冇乜特別消費，再加上本身佢有服從社會的傾向，所以基本上要徵收消售稅對佢來講唔會特別有乜感覺，但係反而令佢意識到裡面會有商機，佢會研究可唔可以響相關項目度搵下錢，貫徹山羊座「有危一定有機」的座右銘。
水瓶座
水瓶座響呢個題目上面產生的反應會好鬼奇怪，佢唔會針對自己的角度去睇呢件，而係針對民生呢個大圍事去睇；無論結果佢係贊成定反對，佢都會拎住橫額走出街攪人民運動，又或者努力感化身邊的人支持佢的意見。
雙魚座
雙魚座會繼續貫徹佢糊里糊塗的特質，不過又咪以為佢真係咁戇，係！講真佢其實又真係唔係咁清楚發生咩事，但係佢會明白到Ｄ錢冇咁見駛，所以佢會響另一半身上徵收返果５％消售稅同服務稅，填平自己筆數。
