ayame317 - 尋晚搭輕鐵經歷懷疑司機行錯線路
事發係尋晚我係元朗搭615線尾班列車入屯門建生，一路都冇事，
搭到去兆康時都仲話『本班為615線列車』，但點知呢個時候佢話『下一站係屯門醫院』，
咁我起身去睇路線圖，心諗唔通又轉左路?之後有路返入建生?(正常係青松站)
但關埋門之後佢話下一站澤豐，而我又睇到澤豐後面冇路返入建生所以急急落車，
到佢駛走時我都仲見架車尾係寫住615，同車入面仲有個太太一樣落左車，
打算搭返兆康，但我地發現因為已經十二點九已經冇車，
唯有兩個女人行條係青松同屯門醫院之間既恐怖小徑去建生果邊，
因為我打電話比男友，佢話澤豐係得一條路行，但好靜而且冇車(有車我都唔夠現金)，
行到去建生果邊我地問路，有個後生仔都話615冇可能會行澤豐果邊，
我打比男友時佢都一樣咁講，佢仲話我搭錯車，但我同個太太都肯定冇錯，
而同車入面除左佢我見到仲有幾個後生都好疑惑咁落車，剩幾個訓左既乘客係車，
係兆康都仲係615…唔知點解之後會轉左屯門醫院果邊線…照計尾班車唔會轉線…
我都唔肯定係咪佢地問題…
因為少搭輕鐵，所以想問問有冇試過咁既情況，如果真係佢問題我打算投訴，
因為尋晚行完條小路真係驚到腳軟…
