揀心水猛片知會否豉椒炒魷
今個星期有四套中西猛片同時上畫，你會揀以下邊一套？ a.當紅女星主演的港產鬼片 b.荷里活史詩式巨製 c.本地製作實驗電影 d.歐洲溫情小品
結果分析
a 你有一般打工仔「返工等放工」通病，對工作欠缺熱誠，經常嫌三嫌四但又不求上進。唔想被炒，唯一方法就係做好本分，少諗點樣偷雞蛇王!
b 你做事向來有板有眼，雖無過犯，但做事卻欠缺新意，而且十分小心眼，鍾意計較。唔想老細唔妥你、同事又唔撐你的話，一定要主動出擊，多ｄ留意身邊人同事，畀多ｄ新Idea，老細自然對你另眼相看啦！
c 你好有才華，但亦擁有「鬼才」的通病─曲高和寡，唔重視團隊精神。請記住無論你幾叻都好，都無可能自己做哂所有野，平時應該對人有禮貌ｄ、多ｄ溝通，工作一定事半功倍。
d 你係一個優秀好員工，深得老細倚重。可惜你為人衰心軟，而且唔夠威嚴，令到同事下屬都唔鍾意聽你支笛。想提高工作效率就一定要果斷，清楚畀其他人知道「熟還熟」，但工作時都唔可以得過且過
