標題:
食人狂魔祖咸哥爾
[打印本頁]
作者:
重複犯錯
時間:
2007-10-26 08:05 PM
標題:
食人狂魔祖咸哥爾
食人狂魔祖咸哥爾
滋味食人狂魔祖咸哥爾
人的性格，往往和樣貌有D極大的關係，靚仔靚女可能會特別自信，條件較差的，相對上會比較內斂。但有些生得特別醜樣的人，往往會因自卑過度，而令心理失去平衡，好似德國食人狂魔祖咸哥爾，就係一個最佳例子。
哥爾在德國非常有名，大部分人都知道呢個有「魯爾獵人」稱號既變態狂魔，他不但內在醜惡，就連外表亦特別衰過人。地中海、大耳牛、古古怪怪、又肥又矮，見到經已唔多開胃。
一九七六年的一個夏天，魯爾區有一名四歲女童失蹤，警方派人四出偵查，因為幾年來，陸續有女童失蹤的個案發生。經過一番追查後，警方在女童失蹤的公園中遇到一位晨運阿伯，阿伯話佢隔籬屋既哥爾成日霸住個公家廁所，唔畀其他人用，肯定有古怪。係茫無頭緒下，警方姑且去阿伯屋企查看，推開公用廁所一看，隔夜飯都嘔埋出來。屎渠爆開，滿地糞便，糞便中更混雜了不少胃、腎、肝等人體內臟，引致臭氣薰天。法醫官一眼看出這些器官屬於女童，受害人極有可能係近年失蹤既細路女。
警方立即到哥爾家中搜查，恰巧哥爾正在食飯，表現極度冷靜，警方不停的搜索，哥爾依然繼續慢慢咁食，直至警方在雪櫃中發現大量人肉，哥爾都冇停過口。警方打開煮食用具一看，竟然見到一味前所未聞的紅炆女孩手，還有番茄、紅蘿蔔、薯仔等配料，在場人員無一不嘔吐大作，但哥爾依然食得十分滋味。
原來哥爾十七年前已開始殺人，該名四歲女童是最後一名受害者。一九五九年，哥爾首次姦殺一名十六歲少女。六二年再殺兩名十三歲少女，六六年則殺了一個五歲女童，所有屍體全部變晒哥爾既晚餐。
德國的精神病理學家認為，哥爾外表醜陋，又冇朋友，佢將受害人殺死後進食，令受害人一生一世都活在其體內，永遠都不能離開，是想彌補心靈上的孤獨。哥爾說自己多年來一共殺了十四人，當中有男女老少，最老係六十一歲的阿婆，肉質麻麻，而四、五歲女孩就最好味，好食過神戶牛柳，令人回味無窮。
法官原本可以判哥爾入精神病院進行治療，按康復程度決定刑期，但法官認為哥爾會引起國民恐慌，於是判佢終生監禁，寧可精神科醫生去監獄醫佢好過。雖然樣衰唔係罪，但係因為咁而殺人，就真係罪該萬死！
姓名：祖咸哥爾（Jocahim Kroll）
綽號：魯爾獵人
殺人時段：1959至1976
殺人手法：姦殺、炆殺、食埋落肚
殺人地點：德國魯爾
歡迎光臨 HKYou (http://www2.asiadog.com/forum/)
Powered by Discuz! 6.0.0
