HKYou - Powered by Discuz! Board

標題: 今個月睇左三套戲 [打印本頁]

作者: 雪御小魔女 時間: 2007-10-17 09:23 AM 標題: 今個月睇左三套戲

今個月總共睇左三套戲，分別係

[魔幻星塵]:有點老土的魔幻童話故事，如果唔係有米雪菲花同羅拔迪尼路

我都未必會入場睇，個個又老又醜樣既女巫同好可愛有變裝辟既海盜搶晒

男女主角既戲。

[勇者傳說]睇怕都唔係好多人知哩套係乜，如果睇開動畫應該會識，

新海誠作品，前作有[雲之彼端]可惜今次比朗豪坊間衰戲院買左，

只得每日3場仲要得早同中午場...............

[色‧戒]話題之作，唔洗講啦~不過都幾有原著小說感覺，

套戲好正經，無乜笑位.........但唔知點解d人睇到乜都笑一餐，

都唔知有乜咁好笑= =" 除衫又笑，王佳芝比易先生打時又笑 = =

同場的人......傻-0-

----------------------------------------------------------------------------------------
下期暫時想睇只有這套

2077日本鎖國(Vexille)

導演: 曾利文彥
主演: 日語配音：黑木美紗, 谷原章介, 松雪泰子
片種: 動畫
級別:
日期: 2007-10-15

21世紀初起，先進機械人的發展步伐越來越快，其中日本更是機械人科技的領導者，發明了更耐用以至跟人類仿真度極高的機械人。由於這些科技被視為人類的威脅，聯合國於2067年建議訂定監控機械人科技的條約。

作為機械人科技龍頭大哥的日本當然立即反對條約，但於決議會中未能成功推翻投票結果，於是退出聯合國以示抗議，更決定實行鎖國政策，關上對外的大門。

2077年，即是日本實施鎖國的10年後。築起一道超高密度磁場圍牆的日本，沒有外人能進入，國民亦不准離國；更隔絕了他國的衛星監察，成為一個極度神秘的國家，被其他國家視為對地球的一大威脅。

美國獲得情報，指日本正在發展一種全新的大殺傷力武器。為此，美國派出「梭特」特種部隊，秘密潛入日本，找出武器的細節。部隊由女司令慧思（Vexille）帶領，連同她的同僚男友里奧（Leon），一同進行這項危險的任務。

因受到襲擊，慧思與男友失散，獨自逃到海上，被一群由女司令瑪利亞（Maria）帶領的東京地下武裝組織救起。出乎意料之外，慧思發現日本竟然不是想像中那樣超級先進...

------------------------------------------------------------------------------------------------------------------------------------------

不過講開睇戲，前日個fd打黎話睇左[生化危機]其實又無乜好睇，

之不過佢睇左之前個幾集，咪追埋佢囉。

入左場熄左燈之後，佢前面個行先成十幾人入坐........阻鬼住晒，

亦因為開左場大家都無乜留意啦，點知散場一開燈.................

前面成行坐滿[喪屍]係到睇戲= =" 雖然知係人扮，但嚇到呆左= =

因為近萬聖節已經開始有人扮鬼周街走，由其旺角添~

睇睇下就幾好玩既，但睇完戲個人都未回魂見到d咁既野.......嚇死人。

[ 本帖最後由雪御小魔女於 2007-10-17 09:34 AM 編輯 ]

歡迎光臨 HKYou (http://www2.asiadog.com/forum/)