HKYou - Powered by Discuz! Board

標題: [分享] 不開心的經歷~ [打印本頁]

作者: 雪御小魔女 時間: 2006-10-5 04:27 PM 標題: 不開心的經歷~

昨天去了一個商場由一間教會主辦的展覽，雖然並不是太喜歡那間主辦機構，但因為那個展覽

的內容很吸引，而且又和宗教沒關係，所以我還是給了入場費而參觀了。

入到場內差不多每一件展品都有工作人員在把守及介紹，每一件展品的介紹只是離不開耶穌

係神創造這些東東多偉大........等等，反而展品的背景和資料一句也沒提及，那都算了，我自己

慢慢看當聽不到好了。

跟著行到中途有一個售買關於場內展品的場刊攤位，每本場刊連光碟也只是20元正，心諗買來看看

無妨，當我要比錢之際，聽到那個工作人員說，您們看買書有星期日戲票送呀~哩位小姐聽到即刻買呀

您地仲唔快d買.........]我聽到覺得好唔舒服，第一我買時都唔知有咩戲票個d野，第二所有人都望

晒過黎好尷尬，跟住同我講買多本啦一個人睇好悶架.........結果迫我買多左本一模一樣的書，

因為佢勁大聲咁話廿蚊之嘛~做善事您唔會推架~~平時睇戲都六十蚊啦，宜家廿蚊就有啦喎~

跟著好不容易終於捱完整個展覽走到出口，出口那兒也放著一個攤位，放著一些他們教會的雜誌

及電話繩，我朋友見d電話繩好可愛於是買左一個比我，但惡夢開始來了，

先是有個女生走來拿著一張開頭我以為是信用卡申請表的東東，聽落才知............原來是捐獻表格

基督徒們~您們返了這麼久教會有聽過這樣的東西嗎? 內容豐富阿，首先個女仔向我推介，

plant 1:每月500捐夠36個月就會獲贈聖劍一把

plant 2:每月捐1000捐夠36個月就會獲贈在書內刊登您既故事，等教友們認識您等等。

或一次過捐贈一萬至五萬不等亦有不同禮物及待遇...........等等

像不像信用卡送大禮? 還要是強制性捐款的，金額無得選只能捐獻佢set好個d，

同埋都係個句您要出名嗎? 要上電視台頻道嗎? 要出來做見証嗎?

只要捐獻就會幫到您，我看著那一大推plan簡直歎為觀止，然後我對她說抱歉我並不是基督徒

她答我....不要緊，如果不喜歡那些捐獻禮物不緊要，我們還有報訪神積團，追蹤聖經團等等

跟住問我鍾唔鍾意去下旅行.............

我最後攪左好耐先甩到身，仲要比左一大推市面上佢地教會出既書，免費送比我喎~

跟住個個小妹妹又留埋電話號碼比我.......[我死都唔肯留比佢]

結論係....好得人驚呀~

我去睇展覽0者，宜家咩事呀

比人圍攻您一句我一句

比人迫買野，咩事先....唉~~

下次佢地再攪展覽不論我幾[恨]睇，都忍忍唔去睇算啦~

[ 本帖最後由雪御小魔女於 2006-10-5 04:32 PM 編輯 ]

作者: 寂滅孤星 時間: 2006-10-5 08:20 PM

嘩～咁都得．．．咁同係街度”溜客”果ｄ人有咩分別？？真係離譜！

作者: 程昱 時間: 2006-10-5 09:56 PM

邊間教會 ?有冇搞錯,那跟沽名釣譽有甚麼分別 ?

教會以戲票作噱頭,他究竟擺這個檔的目的可在 ?

真係令教會蒙羞!!!!!!!

作者: 雪御小魔女 時間: 2006-10-6 01:38 PM

明星教會囉，

原來我個朋友仲笨，我宜家先知佢個日留左電話比人....跟住就慘啦~

對方成日打黎話傾下計，跟住就開始sell您近期有d咩節目及活動，當然

樣樣都係$.$啦，真係煩到爆呀~~~~~

仲有我宜家先知返唔同既團契同禮拜係會唔同價錢，因為主講既人不同，

睇下對方知名度啦~仲有邊個會出席啦，因為唔可以隨便入去聽，要先比錢報名才有得聽的

雖然送既戲票係[絕望真相] 只得戈爾一個演員，我相信要您入場既目的都係睇完後反思一下

自己到底將個地球破壞成點等等，但我唔太接受咁樣比票我囉，我要睇自己會買飛入場支持

而唔係無啦啦買完本書後全世界都知我要睇哩套戲...........好唔自在。

仲有我覺得佢地咁做得，相信係平時慣左，就好似您捐獻佢地就會令全世界都要知咁，

需知道我買本書係純粹想睇該展品而唔係希望出名囉........

[ 本帖最後由雪御小魔女於 2006-10-6 01:45 PM 編輯 ]

作者: ~風~ 時間: 2006-10-6 01:52 PM

會吾會系邪教.........

作者: 雪御小魔女 時間: 2006-10-9 12:41 PM

回應昨日去睇戲現場實況

真係慘慘慘~~

昨日其實套戲真係幾好睇，不旦無想像中咁悶，因為我地唔係科學家式妍究者，我未入場前都驚自己會

唔明佢講乜，因為佢都係引用大量數據，可幸的是戈爾用非常易明的方法講解，所以尚算ok

當看完戲後，放音樂時那個畫面仍有很多有趣的信息，所以大家都未走留左係到睇埋

突然全院著晒燈，有個人係到囉住部拍攝機係到影觀眾，跟住有個佢話係牧師既人出黎

囉著個咪係到講佢地既教會同少量頭先套戲既信息，當時好多人都唔自在好想走，但戲院度門

係無開架....唯有係到焗聽，我當時覺得好唔開心，我覺得自己又唔係您教友，我純粹黎睇戲咋喎

唔想比您係咁拍，好似話會放係佢地個自己個電視台到......不過當時個場係幾爆既，但只有2~3成係佢地

d教友囉

仍舊個句不愉快~

作者: 雪御小魔女 時間: 2006-10-9 12:54 PM

跟進我朋友既事件

昨日收到個位教友既電話

佢地教會有步行籌款

要有3000人出席，每人最少要捐2000蚊.....

另設最高籌款獎.....有禮物架

有曼谷機票，某酒店海鮮宴，仿耶穌聖杯一隻，西式自助晚餐，仿聖殿騎士團聖劍

立體畫最後的晚餐，麥0麥產品，植物私房菜五圍等等

回覆另一個計劃每月捐300捐36個月禮物佢地個電視台百科全書一套

戲飛，音樂盒，毛公仔，佢地自制既電影VCD，見證vcd

猛咁叫我朋友參加捐款行列............好煩

作者: 寂滅孤星 時間: 2006-10-9 06:03 PM

可唔可以透露o下個間係邊間教會??

作者: 雪御小魔女 時間: 2006-10-10 09:19 AM

名就唔講啦~但好多明星返，同擁有自己既電視台頻道個間囉~

好易估0者

如果唔係點會我同另一個朋友訴苦，佢話咁過幾日實係佢地個電視頻道見到我呀

我話唔係呀......我唔係教友喎，事先亦唔知會比人拍......我唔想上鏡呀~

佢話佢地先唔理得您地咁多，唔係都當係架啦~咁您入去睇戲呀嘛~ 我話咪係囉~

我睇戲之嘛~幾時無啦啦變左佢地教友架.....唉~~ 總之forever唔好有下次啦~

作者: 程昱 時間: 2006-10-10 11:09 AM

咁過份都得的,這間究竟係咩教會來的,主知道後也不會高興的

作為信徒的我而家好惱,耶穌竟然成為了教會的商品 ??????

作為一間教會竟不以愛人為目標,以奉獻的數目為目標,認真為教會所不齒!!!!!

作者: 抽刀斷水 時間: 2006-10-10 11:48 AM

引用:

原帖由程昱於 2006-10-10 11:09 AM 發表
咁過份都得的,這間究竟係咩教會來的,主知道後也不會高興的

作為信徒的我而家好惱,耶穌竟然成為了教會的商品 ??????

作為一間教會竟不以愛人為目標,以奉獻的數目為目標,認真為教會所不齒!!!!!

個人認為，愛人和奉獻，本無衝突。

假如一間教會沒有奉獻卅奉獻不足，那如何去維持燈油火蠟呢？這可不是單靠祈禱便可使燈亮起來。

我們又怎能單單只看到該教會吸納奉獻的積極，就代表了那該會不愛人了？

話分兩頭，對於雪姐及她朋友的遭遇，小弟實在深表同情。

作者: 雪御小魔女 時間: 2006-10-10 01:46 PM

引用:

原帖由 抽刀斷水 於 2006-10-10 11:48 AM 發表

個人認為，愛人和奉獻，本無衝突。

假如一間教會沒有奉獻卅奉獻不足，那如何去維持燈油火蠟呢？這可不是單靠祈禱便可使燈亮起來。

我們又怎能單單只看到該教會吸納奉獻的積極，就代表了那該會 ...

我都知教會沒捐獻會很難生存，但作為神既兒女是不是該積極做好自己

來吸引信徒呢? 我只是覺得捐獻是出自心意，如果有一個人他每月只有

3000元工資，除卻生活費他可能只能負擔幾百元的捐款，但這叫作真的心意~

但我覺得不是要他們訂下那些心意的數目，如果您拿不出，抱歉了，做禮拜上教會聽道等等活動

就沒您的份了，我只是覺得不論捐多少錢都是量力而為，而不是以金錢去行量您在教會中的地位~

而且有錢您可以得到關愛，我覺得只很過份的事，一直以來教會很多時扮演的角色都是幫人關心人的

而不是您捐了錢在拍攝機鏡頭前的虛假情意，我相信有很多其他教徒都是在沒人監測或一定要公告天下的

情況下，也樂於幫助任何人~老實說今天有很多大教堂或大的教會，當年都是由一班願意無私幫助別人的

人組成，是因為他們行善的行為，大家才樂於自動捐獻自己所能負擔的，漸漸而進化成現在的大教會等等~

只要是用心去做的，真心待人的，我覺得用不著這樣的手段教會不會[執笠]的~ 因為神就在我們身邊，

他一早就有了安排，不需要擔心。

作者: 程昱 時間: 2006-10-10 02:22 PM

引用:

原帖由 抽刀斷水 於 2006-10-10 11:48 AM 發表

個人認為，愛人和奉獻，本無衝突。

假如一間教會沒有奉獻卅奉獻不足，那如何去維持燈油火蠟呢？這可不是單靠祈禱便可使燈亮起來。

我們又怎能單單只看到該教會吸納奉獻的積極，就代表了那該會 ...

抽水兄言之有理,愛人和奉獻本無衝突

但此教會對奉獻的態度相信己經不只到積極的地步了

有強烈的階級觀念,每夠一個數額就這送這個送那個

這樣的話恐怕某些信徒的奉獻並非真心真意了

這教會的政策恐怕只會成為沽名釣譽之徒揚名的工具....

奉獻的原意為信徒甘心樂意的奉上,但如為奉獻定下最低限額,那便失去奉獻的意義

唉,....對此教會徹底失望......

作者: 抽刀斷水 時間: 2006-10-10 03:37 PM

哈，可能該教會財政已出現嚴重赤字，或者開支實在太大，所以很著急～～
正所謂財不入急門嘛，太急就惹人反感，反而令人感到那是一間「掠」水教會添！

作者: 天之門 時間: 2006-10-23 01:35 PM

引用:

原帖由 抽刀斷水 於 2006-10-10 11:48 發表

個人認為，愛人和奉獻，本無衝突。

假如一間教會沒有奉獻卅奉獻不足，那如何去維持燈油火蠟呢？這可不是單靠祈禱便可使燈亮起來。

我們又怎能單單只看到該教會吸納奉獻的積極，就代表了那該會 ...

又係掛羊頭賣狗肉的,用宗教做包裝賣商品,呃錢為實

.至於奉獻應該出於自願,

歡迎光臨 HKYou (http://www2.asiadog.com/forum/)