HKYou - Powered by Discuz! Board

標題: 十二星座之放假攪乜好？ [打印本頁]

作者: 23_years_old 時間: 2007-5-18 03:44 AM 標題: 十二星座之放假攪乜好？

白羊座
支配星係火星的白羊座，叫你放低手頭上的工作或者目標好好趁呢幾日休息下都好難，所以較為好d的選擇係半放低，意思係叫你寓工作於娛樂，例如有興趣攪有機食品生意的，咪去郊區參觀下d有機農場囉！總之對白羊呢個停唔低的星座，千祈咪白白浪費成個假期啦！

金牛座
相比起白羊座，金牛座的假期活動就簡單得多，鍾意靜的可以留響屋企睇下DVD聽下歌；鍾意靜的就可以去離島玩下，當然唔係講去嘈嘈閉的長洲，而係去有山有水最適合遠足的南丫島，嫌遠唔鍾意搭船，可以再近近地去效外行下山，親近大自然的活動就最好！

雙子座
對於平日已經冇時停的雙子座來講，假期活動唔駛排得太密，如果唔係會好疲勞，不過又千萬唔可以冇喎而且安排仲要日日有d分別，可以搵埋d兄弟姐妹響屋企打下衛生麻雀又得，又可以返一兩堂瑜伽，又或者約埋幾個朋友仔一齊去下烹飪教室學整餅！

巨蟹座
巨蟹座的最佳活動當然係離唔開同屋企人聚會，約埋成大班姨媽姑姐，一早去酒樓飲酒，跟住齊齊去你屋企打麻雀玩wii仔，夜晚直落留響你屋企打邊爐又者BBQ；不過難得有個長假期，可以搵一日一個人獨自渡過，去逛下藝術館睇下展覽品洗滌下心靈都好！

獅子座
支配星既然係太陽，放得長假呢位太陽之子(女)冇理由柄響屋企，出街行，呢位購物狂唔買過東西佢唔舒服，為免碌爆咭都係免得就免；但又唔好柄響屋企，所以最好節目就係搵返套好戲睇，預早買定靚位買埋爆谷！另外帶埋親朋戚友d細路仔去玩都係好節目之一！

處女座
生活刻板係處女座的特色，最鍾意將心力落晒響工作上面，所以就算放長假唔安排任何節目乜都唔做，對處女座人來講都唔覺得有咩問題；假期d時間可以用來休息下、執下屋、洗下衫、睇下書又或者雜誌；另外注意健康的處女座亦都可以趁住呢幾日用少少時間做下運動添！

作者: 23_years_old 時間: 2007-5-18 03:44 AM

天秤座
以天秤座呢種要熱鬧怕寂寞的性格，放假自然唔多鍾意一個人柄響屋企，最好熱熱鬧鬧成班人，不過叫佢諗去邊佢又會覺得好頭痛，所以最好都係預先打晒畀唔同的friend約定晒每日有咩節目同去邊，室內活動去人屋企玩，又或者室內活動唱下K佢都好ok！

天蠍座
對於大蠍座來講，假期的最好安排就係分開幾個唔同階段，第1階段假期初就梗係柄響至企叉一叉電做下自己事；到第2階段假期中就梗係同班friend出去狂歡；到第3階段就要交人陪下honey；最後到假期尾又係一個人柄埋響屋企休息下做下自己事準備又要返工拼搏啦！

人馬座
又係另一個坐唔定的星座，人馬座絕對唔鍾意有冷場，所以最好預早安排多d唔同種類的活動，最好有渡假feel，例如話去主題公園遊樂場玩、去酒店住返兩日，總之最緊要新款！至於剩低一兩日未有安排的日子呢，可以去圖書館借d心理哲學書睇下！

山羊座
一遇到長假期，通常最頭痛果位就係山羊座，本來對於呢位同樣係性格刻板的山羊來講，有假放最好就梗係柄響屋企休息下，不過一日係咁兩日係咁佢就會覺得好無聊同浪費時間，所以最好就係約下朋友出來飲茶行街，唔駛多一日兩日就足夠，其他日子繼續響屋企啦！

水瓶座
至於講到水瓶座呢，受朋友愛戴，興趣又多多，到呢d假期就梗係不愁寂寞啦！點樣都可以呼朋喚友出來玩！如果真係講到要安排d新節目的話就可以試下去聽下講座，健康講座又或者環保論壇，再唔係去做下義工照顧老人家同細路仔玩對水瓶來講都係好節目！

雙魚座
雙魚座係一個好重視生活的星座，平日要返工作搵錢生活壓力咁大，到呢d放假的日子佢就梗係唔要咁緊張，可以晏d起身，跟住想食咩就食咩，朋友約到就去街，總之唔好好似返工咁迫佢，可以悠悠閒閒舒舒服服咁，假期入面做咩雙魚都唔覺得緊要！

作者: 23_years_old 時間: 2007-5-18 03:44 AM

人馬座
又係另一個坐唔定的星座，人馬座絕對唔鍾意有冷場，所以最好預早安排多d唔同種類的活動，最好有渡假feel，例如話去主題公園遊樂場玩、去酒店住返兩日，總之最緊要新款！至於剩低一兩日未有安排的日子呢，可以去圖書館借d心理哲學書睇下！

作者: 糖冬甩 時間: 2007-5-18 09:16 AM

水瓶座
至於講到水瓶座呢，受朋友愛戴，興趣又多多，到呢d假期就梗係不愁寂寞啦！點樣都可以呼朋喚友出來玩！如果真係講到要安排d新節目的話就可以試下去聽下講座，健康講座又或者環保論壇，再唔係去做下義工照顧老人家同細路仔玩對水瓶來講都係好節目！

作者: sss 時間: 2007-5-19 06:12 PM

天秤座
以天秤座呢種要熱鬧怕寂寞的性格，放假自然唔多鍾意一個人柄響屋企，最好熱熱鬧鬧成班人，不過叫佢諗去邊佢又會覺得好頭痛，所以最好都係預先打晒畀唔同的friend約定晒每日有咩節目同去邊，室內活動去人屋企玩，又或者室內活動唱下K佢都好ok！

作者: Jessica_leung 時間: 2007-9-12 08:29 PM

水瓶座
至於講到水瓶座呢，受朋友愛戴，興趣又多多，到呢d假期就梗係不愁寂寞啦！點樣都可以呼朋喚友出來玩！如果真係講到要安排d新節目的話就可以試下去聽下講座，健康講座又或者環保論壇，再唔係去做下義工照顧老人家同細路仔玩對水瓶來講都係好節目！

歡迎光臨 HKYou (http://www2.asiadog.com/forum/)