事件喺大約8-9年前,呢間Y學校嘅L Sir放學係教踢波ge,而衣間Y學校球場隔離就係該校ge地基房,用嚟放啲雜物. 話說有一日L
Sir放學照常教踢波,嗰陣大約係3點九到,有個學生 A 踢左個波由地基房門口入左去,L Sir就叫佢去執啦,點知成4-5個字都唔見人番,就叫第二個學生 B 搵佢,點知 B 又去左幾十分鐘都唔見人,覺得有啲唔妥,就自己去地基房睇下,但係地基房好大下,佢就叫埋幾個老師去搵,奇怪嘅係,因為間房地下係泥地,所以腳印會好清楚,但係佢地見到啲腳印有入冇出,以為兩個人喺入面有意外,但係最心寒嘅係,要搵嘅波離門口唔遠,但係腳印就喺嗰度不遠就冇左,得番兩支電筒喺地下,而兩個人就好似係喺空氣中消失左!!之後,警方亦進行大規模搜索,但都未有任何發現,只好列作人口失蹤案件,上年2005年該校進行工程,今年再去番地基房嗰度,門口已經俾石壁封住,唔通,校方真想隱瞞一啲真相?
