HKYou - Powered by Discuz! Board

標題: [其他] 足以令人雙眼通紅鼻酸酸的故事 [打印本頁]

作者: 傻妺...... 時間: 2006-12-30 12:26 PM 標題: 足以令人雙眼通紅鼻酸酸的故事

有一位老婆婆個子唔高，但係好肥，行路既時侯需要拐杖支持。每隔兩個月老公公都會陪老婆婆到醫院覆診，因為老婆婆患有高血壓。

某夜，老婆婆左邊身麻痺入院，經過電腦掃描顯示右腦出血。我如實話比老公公知，佢無出聲，只係無奈咁望住我，淚水已經湧現。

第二朝，意料之外，老婆婆既情況唔係想像中咁壞，而且頭腦清醒。

入院之後既第五日，老婆婆問我：呢兩日伯爺公點解無黎探我既？

一個實習護士話比我聽，早兩日老公公突然心肌梗塞，住左響對面既男病房。兩老無兒無女，最親既都只係姪仔。

今日，姪仔帶左兩樽果汁黎醫院，先去探老公公。

過左幾日，老公公既病情剛剛穩定，就嚷住要出院照顧老婆婆，經過一番溝通之後，主治醫生諗左一個折衷辦法：首先老公公換番自己既衫，坐住輪椅，由工友推到女病房門口，而為左安全起見，醫生護士都要跟埋老公公一齊……老公公蹣跚地企起身，手執果汁，走到老婆婆床邊：買比妳飲嫁。

老婆婆嗲起黎：呢幾日唔見你既伯爺公，咩事呀？病左咩？

老公公微笑：唔係呀伯爺婆……姪孫結婚啦，我要幫佢打點一下嘛。

呢一個，係我咁耐以來聽過最動人最感動既一個謊話。

人生就好似變幻莫測既天氣，雖然可以預料，但往往都出人意表……

老公公既心臟日復日咁康復，準備出院那天，病情突然惡化，撒手塵寰。

姪仔辦理完死亡證明之後就黎搵我，要求暫時唔好話比老婆婆知，因為老公公死前遺言：照顧伯爺婆，唔好話佢知我既事，唔想佢受剌激。

呢個時候，無一個在場既人唔感動唔流下眼淚，包括我……

當日我巡房既時侯老婆婆又問：伯爺公D果汁喝晒啦，點解佢又不見人？

護士強忍眼淚：妳唔記得左咩？姪孫過兩日結婚啦！老公公要幫手嘛。

第二朝清早，我發覺老婆婆床頭多左樽瓶果汁，聽到護士同老婆婆話：老公公剛黎過，佢見妳訓得咁甜，唔捨得叫醒妳，放低果汁就走左啦。

當護士一轉身發覺我企響度既時候，立刻雙頰通紅。我微微一笑，拍左佢膊頭一下，慶幸佢果顆愛心不為歲月冷卻。

當日下晝護士長察覺坐響梳發對住窗望風景既老婆婆無左呼吸，我迅速跑去一手抱起老婆婆，再聯同護士將婆婆放上病床急救……

搶救二十分鐘之後，我宣布失敗……

我一邊寫報告記錄，一邊諗起「陪著你走」既一句歌詞：
如果，走到這世界邊端，我倆已是無力前行，跟我一起飛去……

護士長走過黎同我講：估唔到妳咁大力，一手就可以抱起老婆婆。

我只係報上微笑，因為我已經唔想講任何野，我怕我忍唔住眼淚……

老婆婆的確好肥，但係好輕，因為佢既靈魂已經跟老公公飛走左啦……

愛──雖然只係一個字，但係無人亦都無野可以具體咁解釋呢個字……正如糖好甜，花好香……根本無得解釋，要用心同親身體會先可以感受。

真正既愛，應該係堆藏響心裡面，去體會，去感受，去領悟……
即使天會變，月會圓花會枯人會老……
有生之年，請珍惜你所愛以及愛你既人。

作者: f77g79 時間: 2006-12-30 02:25 PM

我想哭

作者: Jessica糖 時間: 2006-12-30 04:42 PM

佢地好恩愛ar..
我霖係人都會為之感動嫁..

作者: 窗外有陽光.... 時間: 2006-12-31 04:13 PM

佢地d感情好真.......
愛........真的不能用言語去解釋....

作者: HoneySword 時間: 2007-2-14 06:08 PM

能夠做夫妻做到老, 已經難,

還要廝守一生就更難得...

作者: 小傻子 時間: 2007-2-15 05:10 PM

很感動

作者: sfskl_14 時間: 2007-2-22 08:29 AM

真系好感動ah>3333333<`

作者: myna 時間: 2007-2-25 07:54 PM

往往老夫老妻, 都係特別恩愛,
但係想搵到呢個人, 真係好難...........

歡迎光臨 HKYou (http://www2.asiadog.com/forum/)